जेरुशलेम । प्रधानमन्त्री बेन्जामिन नेतान्याहूको अध्यक्षतामा मन्त्रिपरिषद्को बैठक सम्पन्न भएकाे छ ।
इजरायली सञ्चारमाध्यमका अनुसार सुरक्षा मन्त्रिपरिषद्को बैठक हमासले सहमति जनाएको ६० दिने युद्धविराम र बन्धक-रिहाइ सम्झौताबारे छलफल नगरी सकिएको छ।
त्यहाँस्थित च्यानल १२ ले दिएको जानकारीअनुसार बैठक तीन घण्टाभन्दा कम समय चलेको थियो र कुनै औपचारिक मतदान भएको थिएन । वेस्ट बैंकको बिन्यामिन क्षेत्रीय परिषद्ले आयोजना गरेको जेरुसेलमको रात्रीभोजमा मन्त्रीहरू सहभागी हुन सकून् भनेर बैठकको समय सारिएको थियो।
गाजामा अझै पनि आतङ्कवादी समूहले राखेका ५० जना बन्धकहरूलाई फिर्ता ल्याउने सम्झौताको पक्षमा र गाजा शहरमाथि कब्जा गर्ने सरकारको युद्ध विस्तार गर्ने योजनाको विरुद्धमा देशभरि ठूलो मात्रामा विरोध प्रदर्शन भएको एक दिनपछि यो बैठक बसेको हो। प्रधानमन्त्रीको कार्यालयमा बैठक चलिरहेको बेला प्रदर्शनकारीहरूले बाहिर प्रदर्शन गरेका थिए।
Prakash Bishunke